Aogán Ó hAoláin

Is duine é Aogán le taithí as cuimse aige i saol an airgeadais agus an ghnó – faoi láthair is stiúrthóir feidhmiúcháin airgeadais é in Dell le freagracht ar an Eoraip, ar an Meánoirthear agus ar an Afraic, agus is ról mór ceannasaíochta é ó thaobh na gcustaiméirí go léir atá ag Dell sa réigiún ollmhór seo. Tá sé ag obair leis an gcuideachta ilnáisiúnta seo le trí bliana déag anuas, agus tá eolas fíor-luachmhar saothraithe aige sna róil éagsúla airgeadais a bhí aige lena linn sin. Is deacair a shamhlú duine níos fearr chun tuairimíocht a thabhairt ar earnáil an ghnó sa tír seo, ach ó dhearcadh idirnáisiúnta ag an am céanna.